breastfeeding week

maziwa ya mama ndicho chanzo bora zaidi cha lishe kwa watoto wachanga,hata hivyo kuna badhi ya akina mama ambao hawapendi kamwe kuwanyonyesha watoto wao kwa sababu za kutaka kuhifadhi umbo la titi.

Lakini mashirika ya kiafya yanaendelea kuwahimiza akina mama kuwanyonyesha watoto ili kuepuka maradhi na kumpa moto afya bora .

Pia ni muhimu kwa  akina mama ili kuepuka maradhi kama vile saratani ya titi au maradhi mengine  kama vile msongo wa mawazo ambao hupata akina mama wengi baada ya kujifungia.

Kulinga na utafiti wa WHO ambayo imetolewa kwa ajili ya wiki ya kunyonyesha duniani ,  ni nchi chache tu ambazo hutekeleza mfumo wa kimataifa, unaolenga kuzuia matangazo ya lishe mbadala kwa watoto.

Akina mama ambao hufanya kazi hasa katika mashirika tofauti huwa na ungumu wa kupata muda wa kunyonyesha ,jambo ambalo huwachochea akina mama kununua na kuwapa watoto wao vyakula vya mikebe. 

Isitoshe,maziwa ya mama ni muhimu zaidi kumjenga motto kimwili na pia kiakili.Hivyo basi ni vema kumnyonyesha mtoto kuliko kutengemea maziwa ya mbadala.

Endapo watoto wa miezi 0-23 wangepata maziwa ya mama basi 800,000 wangeokolewa kila mwaka.

Jinsi ya kunyonyesha

• Anza kunyonyesha baada ya saa moja ya kuzaa (unyonyeshaji wa mapema)
• Usimptie mtoto chochote isipokuwa maziwa ya mama kwa miezi sita ya kwanza (unyonyeshaji wa kipekee)
• Usimwage maziwa ya kwanza ya mama baada ya kuzaa, huwa na protini na kingamwili ambayo ni muhimu kwa mtoto mchanga. Unapaswa kumwambia mama amlishe nayo mtoto mchanga, kwa sababu ni ‘chanjo’ ya kwanza ambayo mtoto atapata.
• Keti kwa hali nzuri wakati unanyonyesha
• Hakikisha mtoto anapata vizuri matiti ya mama anaponyonya
• Hakikisha mtoto ananyonya vizuri

KAMPENI YA WHO itaendelea hadi tarehe saba Augusti kwa malengo ya kuwaelimisha akina mama umuhimu wa maziwa ya mama kwa mtoto.