Corona Virusi

Serikali ya Kenya imetoa  tahadhari kubwa baada ya kesi ya virusi vya Corona kuripotiwa nchini China. 

Kupitia Kaimu mkurugenzi mkuu wa Wizara ya Afya Patrick Amoth ,serikali imesema tahadhari imetangazwa kwenye majimbo yote 47 kupitia Baraza la Magavana na wakurugenzi wa kaunti ya afya.

Pia ukaguzi na uthibiti umewekwa kwenye bandari na viwanja vya ndege nchini ili kukabiliana na hali hii.

 Nchi ya Uchina ina uhusiano mkubwa wa kibiashara na Kenya,huku wanabiashara na viongozi wa nchi wakisafiri kwenye nchi hizi mbili kila siku.

 "Kila siku, tunapata angalau ndege tatu hadi nne kwa hivyo tumeanza uchunguzi kwa abiria wote wanaokuja kutoka China," Amoth alisema.

Coronaviruses kawaida huathiri njia ya kupumua ya wanadamu na inahusishwa na homa ya kawaida, pneumonia na ugonjwa wa kupumua kwa papo hapo.

Dalili ni pamoja na homa, kukohoa na ugumu wa kupumua. Maambukizi ya virusi yanaweza kusababisha pneumonia  na virusi vinaweza kupitishwa kutoka kwa mtu mmoja hadi mwingine

Dkt Amoth alisema kuwa kufikia sasa, kesi 440 na vifo tisa vimeripotiwa. Aliongeza kuwa hivi ni virusi mpya  ambayo havijatambuliwa au kuripotiwa  hapo awali.

Ugonjwa huo umeenea hadi Beijing, na nchi zingine za Kusini-Mashariki mwa Asia kama Japan Thailand, Korea Kusini na kesi ya hivi karibuni iliripotiwa Marekani Jumanne. 

Shirika la Afya Ulimwenguni hapo awali lilikuwa limekataza uwezekano wa kesi kutambuliwa katika nchi zingine.

 Mkurugenzi Mkuu wa Shirika la Afya Duniani, WHO Dkt Tedros Adhanom Ghebreyesus pia alifanya mkutano na wadau wa afya huko Geneva ili kutafuta mikakati ya kukabiliana na virusi ya Corona